Eje, meni bagyşla!

Eje, seni garaşdyrdym, gelmedim,
kaka, seni garaşdyrdym, gelmedim,
bir pil gumum hiç biriňe ýetmedi,
obadaş, garyndaş, tanyş ýa biliş,
näçe adam gitdi, baryp bilmedim,
görünip bilmedim ýerine, ýasa,
toýdan geçdim, içe sygmaýar agym,
öňümde dur eli ganly hökümet,
hökümetden beter bahyllar ýagym,
tanky bilen, topy bilen, atyp däl,
aljak olar şirin janym zäherläp,
il-günümi ýere sokup, depeläp,
bilýär egsik: näme etse, etmese
meniň ýüregimden urjagyn hanjar,
entetjegin entedende ilimi,
eje, seni garaşdyrdym, bagyşla,
kaka, seni garaşdyrdym, bagyşla,
ýetişjekdim bir gün guşap bilimi...

Bölüme soňky goşulanlar


Sahypadan alnan eserler ýa-da pikirler haýsydyr bir görnüşde metbugatda ulanylanda "annagurban.coma" salgylanmak hökmanydyr.

Any views or opinions expressed on this site belong to an individual and do not necessarily coincide with those of the organization he works for.


annagurban.com copyright © 2006-2024