Kim bilipdir?
Kim bilipdir özi näme, il näme,
ýa nireden gelip, nirä ýetişjek?
Kime, nämä seretmeli, bakmaly,
haýsy işde kimiň yzyna düşjek?
Kim bilipdir, kimiň sözi mantykly,
ýa mantyksyz näme üçin akylly,
işi oňan bolýar, geçinýär ýeňil,
nakyl mydam ýerliklimi, akylmy?
Kim bilipdir, çykan çüý dek yzyna,
göni bolsaň hemem galdyrsaň başyň,
çekiç iýseň, egrelenler hoş bolsa,
alan-aldy edip tabagyň, aşyň?
Kim bilipdir, kim akylly, kim tentek,
ýa daliniň müň gepinden birini,
adam ogly, akyl almaz, oýlanar,
hem özüniň kädä gabar pirini...