Çukur namartlygy

Adam diýýär saňa eliňi uzat,
çykaýyn men çukurymdan, ýykylan,
sen eliňi uzadýarsyň, niýetiň
kömek etmek, goltgy bermek başarsaň,
ol eliňden tutýar, ýöne çykmanka,
aýdyşy dek, çukurundan ýykylan,
bir elin eliňden boşadyp derrew,
hiç aýagy ýer tutmanka ýeterlik,
beýleki elini ulanyp, ýeser
şarpyk çalýar ýaňagyňa, gözüňden
ot çykaryp, hezil edip, begenip,
sen alaçsyz eliň çekýärsiň yza,
galsa galsyn diýip gara çukurda,
gaty görýär, öýkeleýär, neresse,
sebäbi sen şindem dursuň ýokarda.