Bilmedigiň bagty

Sen millete düşündirme
meseläňi zalym bilen,
eli ganly, ady uly,
düşünmezler söze iller,
ýa düşünip, gülen bolar,
soň köp zady biler olar,
belki, toba geler olar.

Durmuş şeýle, sapagy bar,
hemme kişi birden ölmez,
nobaty bar gelmäň, gitmäň,
öz başyna gelen gülmez,
gülen bolşy ýaly saňa,
ylgatsalar gözüň daňyp.

Sen millete düşündirme,
düşünesi gelmedigin,
soň düşüner, gowy ýeri,
gaýgysy az bilmedigiň.