Gowy adamyň sylagy

Sen bir gowy adam, dogry,
ile-güne gelýär haýpyň,
hem özüňe gynanýarsyň,
hökümetden ýeňlip, sürlüp,
sürgünlerde süýrelip kän,
ýöne bolsa, açyp dükän,
mätäç iliň gelse diläp,
nesýe berjek bar harydyň,
geljek ýylyň hasylyna,
gurak gelse gelsin ýyllar,
haryt näme, elden gelse
aýy alyp, paýlajak sen,
ýagtysyny, nurun bölüp,
ýüreklere, gara günli,
ýöne baryň berip, paýlap,
pikir etme, sylanarsyň,
iň bolgusyz, iň näkesiň
agzy bilen dalanarsyň.