Telefon taktikasy

Sorag-jogap näçe bolsa süwümsiz,
howa hakda, okuw hakda, soraýan,
kim bolsa-da çekinýändir dilimden
bela galyp, beterini görmäýin,
entemäýin taýak salyp bilimden,
diýýändir ol: gora, taňrym, ýaradan,
yrak salma işigimden, ilimden.

Adam bolan soraşmaly, bilmeli,
ýöne döwür şeýle, ägä bolmaly,
tamdan geçdik, telefonda gulak bar,
hal-ahwallar gowy diýseň ýeterlik
gepde, sözde ýer bolmasyn çekere
kesä ýa-da eltip berip gereklä,
satyp boljak, atyp boljak ynsany,
gürleş, ýöne problema süýkenme,
ýansa ýansyn iliň bal ýaly jany.