Ýok hakykat
Larisa Milleriň äheňinde
Hakykat bir, täk, ýekeje bolmaýar,
hatda gün dek ýalňyz bolsa-da käte,
mysal üçin, öldürmeli däl ynsan,
özi ýaly adamy ýa haýwany,
bilýär muny iýjek, diýjek agyzly,
garaýyş bar, nukdaý nazar, pikir bar,
ähli bolan, indi boljak zatlara,
gowy nazar, erbet nazar, bigäne,
janly nazar, göni nazar ýa gyşyk,
o birleri gyýa bakar bar zada,
beýlekisi görmez burnundan aňry,
sorarsyň içiňden: Jogap ber, dünýe,
kim bilýär, nirede hak ýa hakykat?
Diýer ol: Bilmedim, haýsy tarapdan,
seredýäň hem neden dakjak bolýaň at?