Içi güjükli gatnaşyk

Gezip ýörseň aman-esen,
diňe gep däl içi güjük,
daşy pişik, myr-myr diňe,
telefonam geler käte,
o birini soran bolup,
bu birini soran bolup,
telefony gerek, pylan,
aý, kakamyň dosty, salam
aýtsaň dýidi, obada ol,
sen diýersiň: bilemok men,
gatnaşygym ýok, beýleki,
sypaýyja gutuljaksyň,
emma goýmaz, ýene bir gün
soran bolar başga birin,
ýa pikiriň o birisi
eýle diýdi, beýle diýdi,
gep gerekdir, düşünersiň,
goýaly bu gürrüňleri,
ne wagtym, ne islegim bar,
diýersiň-de hoşlaşarsyň,
gaty-gaýrym diýip durman,
emma ýene jaň geler kän,
almasaň-da, yzyn kesmän,
pikir geler: düzüw däl-ow,
herhal ýene müňkürlikden
saklanarsyň, güman erbet,
soňra görseň tanyş nomer,
açman oňup telefonyň,
ýitirmejek borsuň wagtyň,
a soňundan, bizar etse,
petiklärsiň, besdir-eý, git,
ara düşer biraz salym,
soň başgasy, başga ýurtdan,
başga sorag beren bolup,
öwen bolup işiň çala,
berip akyl-maslahatyn,
sümjek bolar aralyga,
gamça basyp arryk atyn...