Žirinowskiniň äheňinde

Walla, düşünmesi kyn zatmy beýle,
ýaş-ýeleňe berseň ýokary bilim,
nesilleri etseň özüňden ökde,
öwretseň dilleri, iniş-çykyşy,
ýa bilseler näme boldy öň, ozal,
hakykat ýerine süwümsiz gazal,
goşgy ýa erteki bilen almasaň,
aýlamasaň başlaryny ýaşlykdan,
yzdan gelýän, pikir ediň, düşüniň,
bir nesil däl, ikisi däl, hemmesi
birleşerler, ýok ederler ezeni,
ýygy-ýygy üýtgederler düzeni,
hiç hökümet gidip bilmez uzaga,
täze düzgün, täze adamlar geler,
bilim bersek, düşir bizi duzaga,
gelejek däl, geçmiş borus dessine,
eger para-peşgeş aýrylsa, ýitse,
gömüklerin ýerin alsa okajak,
pikir ediň, öz başymyz iýýäris,
bilýär olar biz nähili ganojak.