Mesele we halk

Hiç meseläň bir tarapy bolmaýar,
ýa bolmaýar diňe iki tarapy;
üç tarapy bolýar meseläň käte,
dört tarapy, on tarapy bolýar oň,
eger millet gara gorka gömülip,
busup ýatsa bir asyr däl, iki däl,
ýa-da gözün ýumsa baky talaňa,
goramaga derek özüni, öýün,
oňa derek gujak açsa ýalana,
iki günlük, geçer diýip gara gün,
öz-özünden, turmasa-da ýerinden,
görmese-de gorkezenin oglunyň,
gyzyn urup, dyzyn urmajak bolsa,
meseläniň bir tarapy bolmaýar,
bilinmeýär düýp özeni, sebäbi,
soramasaň soramaly soragy,
ýok edip ýa çözüp bolmaýar ony,
gözüň açman, hakdan isläp goragy.