Eger

Eger seni görmeseler, bar bolsaň,
gara suwa, döwüm nana zar bolsaň,
gözenegiň arkasynda otursaň,
iki gözüň demir gapa ýar bolsa,
ýa ýurduňdan gaçan bolsaň baş alyp,
otly tagan bolup atylan boýna,
sesiň, sedaň eşitmese doganyň,
eşitdirjek bolup azara goýma,
goý gününe özün ýitiren ili,
hemem baryp, dara-dire oturan,
gygyrma, gataltma sesiňi, sedaň,
bolmazmy oýanan birdenkä diýip,
dowam et ýoluňy, bar bolsa ýodaň,
sapak berse dostlar bir-birin iýip.