Ölümden öňki aljyraňňylyk

Özüň hakda hakykaty
bile-göre aýdyp bilmän,
aýdyp bilmän açgözlügiň,
bahyllygyň, gün bermeýän,
aýdyp bilmän hakykaty
ataň hakda, eneň hakda,
agalaryň hakda, köplük,
inileriň hakda ýene,
uýalaryň hakda, walla,
(eliň ýetse ezen, talan),
ýa dostlaryň hakda öňki,
kärdeşleriň, duz iýişen,
iki sözüň biri ýalan,
(gülýär olar daşda üýşüp),
aýdyp bilmän hakykaty,
çynçy bolduň nirden bu gün,
çapjak wagtyň agaç aty?