Iňlis nakyly

Diýýärler çagaňa terbiýe berme,
çünki bolar özüň ýaly barybir,
diýmek, özüň düzet ozalda, başda,
soň görüner näme boldy, bolmady,
ýa-da alma düşdi agaçdan daşda,
has uzaga gitdi ene-atadan,
aşak togalanyp ýelde, ýagyşda,
ýa-da durmuş tüweleýi uçurdy,
al-asmana, bulutlaryň deňine,
ýa-da atdy, ýaýdan çykan ok ýaly,
eger özüň kilim bolsaň, nakyl bu,
näçe besle, çagaň bolmaýar haly.