Bilkastdan ýitirilen pursat

Siz çekiliň, syýasata goşulmaň,
a syýasat hakykaty zorlasyn,
zorlasyn ol ýeri, suwy, derýany,
guýulary nebit çykýan, gaz çykýan,
işçileri, daýhanlary, alymy,
geçenleri, gerek güni taryplap,
ýurdy üçin göreşenmiş, işlänmiş,
soň unudyp, ýene gerek bolýança,
siz çekiliň, sokmaň başyňyz bela,
boýdan-başa belaň içine gaçyp,
şady-horram aýdym aýdyň, tans ediň,
daşda duruň, yza galyň, kowsaňyz,
soň yzyndan ýetmez ýaly mütdetiň.