Gurjak adam

Puly hemme gowy görýär diýýärler,
maly hemme gowy görýär diýýärler,
at-şöhrady, wezipäni ullakan,
ýeri, suwy, göz ýetmeýän asmany,
gowy görýär adamlaryň ählisi,
goramaly bolsa, dursa-da çeke,
hemem, alla, paýlaşmak kyn baýlygy,
bölüşmek kyn adam ýaly, ynsan dek,
zähmetiňe görä, hakyňa görä,
oýun däl bu, uruş adamzat döräp,
sen adam däl, gaplaň, belki, ýaraly,
ýalamaly görünmeýän ganyňy,
hyňranmaly wagtal-wagtal içiňden,
bar men entek, diri diýýän mysaly,
öz ornuňda taýyn bolup durmaly,
sagdan, soldan, ýa arkadan urjaga,
meger şondan, gelende hem ölende,
adam ogly köp meňzeýär gurjaga.