Halkyň haly

Halkyň öňem işi ýokdy,
güzerana başagaý,
çörek tapsa, çaýy bolsa, soň süýji,
ýazar näme ýazýar, nämeden ýanýar,
dörediji adam nirede galdy,
teatr ýa kino nämä öwrüldi,
ýa hodožnik nädip görýär gününi,
halkyň öňem işi ýokdy, gyzynyň,
ýa oglunyň okuw, ýazuwy bilen,
goşun gullugyndan ilkinji ýazan
hatyn okap, bilip galýan, eý, alla,
sowadyny çykmanyny on ýyllap,
mekdepden soň bulap urup päpgesin,
päpgesin däl, özün galdyran dulda;
halkyň öňem işi ýokdy il bilen,
ýurdy bilen, özi bilen – ýamany,
ýaşap ölýän huşunda däl, düýşünde,
depesine çykyp çüýrük, çamany.