Baky ogrular

Ogry ogra goldaw berýär, goraýar
serhetlerin bir-biriniň, mukaddes,
din-imandan, barlygyndan dünýäniň,
abadan, parahat, uruşsyz uzak,
käte gazap bilen galyp ýerinden,
bir-birine gurup müň dürli duzak,
garşydaşyn tora saljak bolsa-da,
talanan mallary paýlaşyp bilmän,
olar käte düzüwlere garanda
azlyk, emma uzak saklanýar ölmän,
hatarlary jebis bolýar çen-çakdan,
gowşak ýaly görünse-de daşyndan,
aglaba il gözün ýumýar gorkudan,
alla goýup ogry-jümriň işini,
garalawçy bolmakçy däl, gürletseň,
diýýär: belki, hudaý berýär yrsgyny,
ogrular bar dünýä müň gelip-gitseň.