Uzaga çeken gulçulyk

Ýüz elli ýyl ýaşaýarys
basyp alan aga bilen,
palta hakyn töläp soňsuz,
durmuşy gan, gurluşy gan
imperiýa ýykylmady,
bir bize däl, köp illere,
hem özüne ýagy bilen,
gul edinip milletini,
beýnisini ýuwup günde,
gijesine hüwdi aýdyp,
ýaşaýarys, ýaşaýyş däl,
bilýän-de bar, bilmeýän-de
azaşanyn azan bilen,
eger diýseň ýol gözläli,
ýa tapaly yza gaýdyp,
nirelerde ýalňyş etdik,
saga däl-de, sola gitdik,
biläýeli diýseň, walla,
ownamalyň diýseň artyk,
gara başyň alan-aldy.