Oba romany

Eger oba islesedi, geçidi
otuz ýylda otuz gezek gurardy,
eger oba oňlasady, içidi
otuz ýylda otuz gezek gazardy,
ýol çekerdi, suw çekerdi, obadaş
ýörär ýaly, içer ýaly minnetsiz,
emma oba islemeýär, sebäbi
bahyllyk içinden bürüpdir ony,
gep bürüpdir, gybat bilen birleşip,
ol ony, bu muny küşgürýär, ajap,
mugtuna tomaşa gerek millete,
bagşy gerek, suwjugyndan suwjugy,
many-mazmun, Magtymguly Pyragy,
Mätäji gerek däl, mätäçlik gerek,
garyp etjek bir-birini başarsa,
çäkmenine ýama boljak Keminäň,
berim berjek, alyp boljak bigünä,
biri turjak bolsa, kakýar aýaga,
biri gurjak bolsa, eline kakýar,
obany başlyk däl, bozulan başdan,
ozaly içinden, päl-niýet ýykýar.