Doýany däl, ajy doýur

Sadakaňy baýa berme,
eli gelen gara günde,
bege berme, para alýan,
para berýän kösenende,
ýa öňünden gaçyp ýeser,
naharlama mollalary,
allasy pul turuwbaşdan,
sadakaňy garyba ber,
pakyra ber, hajy bolsaň,
mätäje ber, gaçy bolsaň,
gala bolsaň iliň üçin,
adam ysyň galan bolsa,
bilseň näme açlyk öýde,
çül çagaly, saçagy boş;
sadakaňy baýa berme,
kalby gara, köýnegi ak,
peýda gözläp, zyýan görme,
ajy doýur, ýüregi päk.