Ýaşaýyş arzuwy

Sen bir diňe gürlemeýän,
işin edýän oglan bolsaň,
bilinsin ýa bilinmesin,
öňe gidýän bolsaň günde,
bolsaň öňe gitjek bolýan,
aýyplaman özgeleri,
köpeldikçe ýitýän bende,
tokaýda ýa çölde däl-de,
öz içinde, ýa sürgünde,
dogduk depäň zaryn çekip,
ene-ataň ýatlap mydam,
öňe iten, yza çekmän,
ýa saklaman öz deňinde,
bilýän bolsaň kyndygyny
ölýän wagty bu dünýäniň,
öldürilýän tebigatda,
ýa barlykda baky berlen,
gutarmajak ýaly görlen,
boşlugyny görüp daşyň,
boşlugyny görüp içiň,
çolaranyn giň jahanyň,
jaň edere adam galman,
ýykylmasaň, çökmeseň sen,
hem hiç kime çöwjemeýän,
deňagramly adam bolsaň,
ýitirmeseň ýüzüň, ýeňsäň,
ölýän dünýä soňuna çen
öler diýmän, diri galsaň.