Köne ýara

Soňky ýagyň bilmez öňki ýagyňy,
ýaralaryň, em-ýomuňy özüňe,
ýa her säher turup, okan dogaňy,
pikir etmez, haýsy otdan geçeniň,
haýsy suwda gark bolanyň näçe ýyl,
haýbat atar, arlar, edermen, batyr,
gorkmalysyň, dymmalysyň, iň bolman
peseltmeli, belent bolsa howaňy,
umyt eder: belki, sorarsyň aman,
gowy ýeri, bilmez gedem agyrýan,
gany durman, täzelenýän ýaraňy,
bilse alar, şondan urup, bigümän.