Adam garyp bolsa

Adam garyp bolsa, ynanar alla,
adam mätäç bolsa, ynanar haka,
adam ejiz bolsa, bil baglar, walla,
biribara, ýaradana, belki-de,
agyr günde ýeke goýmaz, taşlamaz,
janly-jandar garaşyga hantama,
emma sähel emel ýetse, özünden
ejiz bolsa, naçar bolsa elinde,
mätäç bolsa, çagasy ýa garrysy,
gazanan puluna garaşsa günde,
görse, bilse, hossary ýok gorajak,
gorkusy gözünde, dilsiz, sedasyz,
diýmek, garaw bolmajagy görnetin,
allany, hudaýy unudar derhal,
bende diýmän özüm ýaly aslynda,
güýçli bolan soňuna çen basgylar,
hemem daşdan, gözün ýumsa bilýänler,
hudaýa ynanýan adamdyr olar.