Boşuň artykmaçlygy

Boş adamlar, tüweleme, edenli,
ýetişikli bolýar dola garanda,
olar bilýär samsykdygyn köplügiň,
alada galmaýar ynanmaz diýip,
aýtsam, diýsem ýapa degmez sözleri,
ýa-da alsam agzyndaky çöregin,
açyk gider bu dünýeden gözleri
diýip, ýatyp bilmän, öz-özün iýip,
alada etmeýär akmagy asla,
şondan olar öňün çekýär arkaýyn,
bozulan milletiň, halasgär bolup,
bilmese-de sagy bilen çepini,
a dana, utanýar bolşundan iliň,
eşitmedik bolup ýöntem gepini.