Içki ahwalat

Geplemersiň diýýär millet,
daşyndan däl, içinden kän,
bir-birine, ýakyn-ýatlar,
ýaşamarsyň diýýär açyk,
ýylgyrsa-da ýüzi-gözi,
içindäki türmä gaçyp,
gurulan öň, ata-baba,
ýesir bolup diri, ölen,
ýaýnamarsyň iş açynyp,
gazanç edip, adam ýaly,
bizem berýäs ýokardaka,
ber baryny, hem ýok puluň!

Açylmarsyň diýýär güle,
günebakar bolsun hatda,
öwrülmersiň diýýär güne,
maňa tarap egilmeseň,
hem soňy ýok egilmegiň,
saklanmarsyň diýýär millet,
düýbün tutup döwülmegiň,
ýok bolmagyň uzak galman,
ýa çalajan ýaşamagyň,
bite, bürä taýak salman.