Özleşdirilmedik sapak

Gabarmagy öwretdiler oglana,
gübermegi öwretdiler oglana,
uly-uly gürlemegi meýlisde,
gülen bolup başgalaryň gepine,
bilmän, görmän, em agtarman sepine,
ata-baba atarman ol, çaparman,
emma nädip çapylypdyr milleti,
nirede ýykyldy atyndan gaty,
kim aldy jylawyn elinden atyň,
kimler ýesir etdi oglan-uşagy,
öwretmedi hiç kim sorag bermegi,
bilsin diýip öňde ýatan allary,
yzyna seredip, aýlap kellede,
göýä durmuş gitmeli ýer adyňy,
parta ýazyp, ýa žurnala belledip.