Allanyň işi

Bir gün gelip soradylar her günde
näçe sagadyňy ýitirýäň, bende?
Ol diýdi: 24 diýsem ýalançy,
48 ýa 72 azyndan,
diňe geçen güni ýitirip oňman,
indiki geljejem öňünden zyňýan,
dostlarym bar özüm ýaly, az bolsa,
ýalan-ýaşryk habary kän dünýäniň,
aýdymy kän, kinosy kän, oýny kän,
näçe ýuwan bolsa, şonça-da gowy,
näçe ýeňil bolsa, ýürege, kellä
agramy bolmasa ýalandan, çyndan,
biruçdan diňleýän gözüm açylsa,
ýogsa düşünýärin, talaýan özüm,
ýöne ata-baba däp bolan, belki,
ýyllary däl, asyrlary ýitirmek,
käte, dogry, näletlemek duşmany,
a soň ömrüň alla diýip ötürmek.