Kyssa namartlygy

Seniň özüň ýa ýakynyň,
başga birniň kyssasynda,
erbet bolup biler örän,
erbet bolup biler tiräň,
teke, ýomut, ärsary, kim,
otdan geçen, suwdan dörän,
ýa milletiň, agzy ala,
ýa-da jynsyň, yzagalak,
ata çykyp, çapan, talan,
ýa öň ösüp, soň basylan,
gysylan dar derelere,
başga birniň kyssasynda
namart bolup biler örän,
bolup biler açgöz, bahyl,
daşy jäjek, içden çüýrän;
bilýärsiň sen, düşünýärsiň,
kyssa ýazýan seniň ýaly,
onuň ýaly adam mydam,
derdi agyr, dermany ýok,
kisesine gaçyp erän,
ony kyhlap, muny kyhlap,
gowy bolar ýerden ýörän.