Imperiýa erkekleri

Ozal utanç boldy örän
özüň bolmak, özüň gülmek,
özüň bolup aglamak-da,
gürlemek-de öz diliňde,
beýik dili gowy bilmän,
beýik ýurdy gorap ölmän,
giňeldip oň çäklerini,
goý, ibersin haýsy urşa,
dursun diýip dünýe dursa.

Ýene utanç özüň bolmak,
çünki beýik pesiň-pesi,
pisiň-pisi boldy birden,
duşmanyna atan oky
öz kellesin aldy birden,
goşunlary, döwlet äri,
ogry-jümri, açgöz, sümrüp,
iýip otyr ýurdy içden,
geçipdir iş hiçden, giçden,
näme boldy, bilmeýärler,
dul galypdyr erkek bary,
imperiýa baryp äre.