Gije hakykaty

Gündizine gülen sepin bildirmän,
gijeler ýassygyn gözýaşa ezip,
tä daňa çen aglar diýseler ynan,
adam armanyny gizlär duşmandan,
bigäneden, belki, duşmandan beter,
köýük ysyn ýapmasa-da bagrynyň,
tüssesini kowar, dargadar ýanan,
zat tapmasa, papagyny ulanyp,
gündizine duran aýak üstünde,
gijesine, akar ýaly bulanyk,
akar gider obasyna, ýat bolan,
sen adamy doýurmarsyň hiç haçan,
uzak ilde, öz ilinde ät bolan,
karam oýnan hökümetden ýeňilip,
gündizine gülen bolýan gerçekler,
aglar agşam öz içine eňilip.