Jümmüş meselesi

Sen sypaýy, sap bolmaly,
gahar-gazap harap eder,
goý, geçirsin durmuş otdan,
suwa salyp arasynda,
taplan ýaly gylyç, hanjar,
ýylgyrmaly, dişiň gysyp,
göni ýol däl eger-eger,
aýlawly ýol ulanmaly,
barjak bolsaň menziliňe,
sowukganly, ýap bolmaly,
akýan mydam endigan, pes,
ýapaşagy saýlap, seçip,
çeker, dogry, her bir çukur,
özüne çen, iýip, içip,
utandyrar sowulmasaň,
meýhana ýa jelephana,
kim men näme diýjek munda,
her kim diýjek sen kimmişiň,
bil hem bilme adamlary,
baryp görüp iň jümmüşin.