Erteki

Men saňa erteki aýdyp bereýin,
döwlet hakda, möwlam hakda, diňleseň,
diňlemeseň, dogry, utarsyň örän,
ýitirmersiň, belki, gymmat wagtyňy,
ulanarsyň ony özüňe görä,
ýa-da iýen ýagly-ýüzli naharyň,
gowy siňdirersiň uzaga ýöräp,
ýöne gulak diňlemäge berlipdir,
ýeňil-ýelpaý gürrüňleri esasan,
aýdym-sazyň suwjugyny, boşuny,
diýmek, meni diňlemeseň oňmarsyň,
men oňmaryn, çünki öwrenen gylyk,
jaý aýdylan, örkleseň-de, durmajak,
sen işiňden galsaň, begenerin men,
onsoň bizi neneň hudaý urmajak?