Gowy adam

Gowy adam, watanyny, il-günün
gowy görýän ýüreginden, ýalan däl,
üstesine ýuwaş, sada, sabyrly,
basgylasaň köşgi-eýwan gurunyp,
hakyn iýseň, heýkel dikip ataňa,
hakyn iýseň, heýkel dikip özüňe,
soň itiňe dikseň ullakan heýkel,
soň atyňa dikseň ullakan heýkel,
a soň ölüp, ýatsaň altyn gabyrly,
pikir etme gowy bolar hemişe,
çykman seniň çen-çakyňdan, galdyrap
maňlaýyna sylyp berlenje puly,
gowy adam, hem özüni sylaýan,
bolup galmaz baky gorkynyň guly.