Oňaýsyz sorag

Haýsy gowy bombalaryň,
ýokardan ýa uzak ýerden,
ugrukdyryp, ugrukdyrman,
başga ýurda atylýan kän,
çöl-meýdan däl, aýal-erkek,
garry, juwan, çagalar bar,
güneş çyksa, oýnajaklar,
haýsy gowy bombalaryň,
sylap, saýlap goýmajaklar,
öý-öwzarsyz goýup ili,
ýykyp-ýumrup, ýoda-ýoly,
geçitleri, soňky, belki,
içitleri zäherleýän,
ýurdun goran gerçekleri
el-aýaksyz maýyp edýän,
öldürmese, ýok etmese, elbetde,
ugrukdyryp, ugrukdyrman atylýan,
haýsy gowy seniň özüňe, ketde?