Sylagly ýykgynçylyk

Ol oňa orden dakdy,
bu muňa orden dakdy,
paýlaşdylar medal kökün,
biri-birin sylaglap,
goltuklary garpyzly,
uzap gitdi erinler,
ýygnanmady yzyna,
ol ony taryp etdi,
bu muny taryp etdi,
söz aýtjak dek gyzyna,
söz tapdylar owadan,
gep tapdylar gelşikli,
el el bilen birleşip,
ýuwarmyşyn bir-birin,
soňra ýüzi, gap-gara,
gapak ýaly döşlerin
urup etdiler ýara,
budaý ekýän medalsyz,
pagtaçylar, maldarlar,
gaz çykarýan, nebitçi,
gurluşykçy medalsyz,
ýa-da diňe göz üçin,
iki-ýeke sylanýar,
hem hemmesi talanýar.

Ol oňa orden dakdy,
bu muňa orden dakdy,
paýlaşdylar at, dereje,
ol ülkede, bu ilde,
sorag – halky kim ýykdy?

Bölüme soňky goşulanlar


Sahypadan alnan eserler ýa-da pikirler haýsydyr bir görnüşde metbugatda ulanylanda "annagurban.coma" salgylanmak hökmanydyr.

Any views or opinions expressed on this site belong to an individual and do not necessarily coincide with those of the organization he works for.


annagurban.com copyright © 2006-2022