Döwrüň günäsi

Nämeler etmedi adam ýurduna,
watanyna, il-gününe, satylyp,
iki günlük ýaşaýyşa, ýaşaýyş
bolýan ýaly dyza çöküp ýaşasaň,
kim-kimleriň suw akydyp eline,
kim-kimleriň aýakgabyn süpürip,
ýa gömügiň söz tutduryp diline,
ýazyp berip kyssa, gazal islese,
ýa-da düşüp has aşaga, has paýyş
pişelere çümüp gitse, suw ýaly,
basan ýerin batgalyga öwürip,
iň soňunda günäkär däl hiç kişi,
zamana günäkär, döwür günäkär,
adam nätsin gaýtsa işi?