Sebäpsiz halk

Sen sebäpli ýalňyşmazlar adamlar,
sen sebäpli dogry ýola gelmezler,
özleri sebäpli saýlarlar sagy,
ýa-da soly, güp ynanyp her söze,
göçürerler dilde deňizi, dagy,
özleri sebäpli ederler gybat,
sen sebäpli aç galmazlar adamlar,
özleri sebäpli uzalar nobat,
çörek, çilim, nas üstünde, dat-bidat,
sen olary öz gözüňden derňeme,
beýleki tarapyn seljermän, görmän,
sen sebäpli ýaşamazlar, şükür et,
sen sebäpli ölmeseler ýer sermäp.