Azajyk çyn

Sen adamdan hakykata garaşma,
garaşma azajyk çyn söze hatda,
eger ol öz-özün aldaýan bolsa,
öz-özüne görmedigin rowa,
saňa nirden görüp biler pukara,
sen adamdan bolma hantama, haçan
berer diýip ýok zadyny özünde,
hem şükür ýigrenmese aç-açan,
seni görüp diňe niýet-pälinden,
gorkusyndan, gümanyndan içinde
aýbogdaşyn gurup oturan uzak,
hem adamdan garaşma sen ýalana,
müňkürlikden gurup özüňe duzak.