Öňki şahyrdan gelen hat

Garyp bolmak aýyp dälmiş,
aýypmyşyn arzan bolmak,
hususan-da ýazýan adam,
ady belli ýa ýaş şahyr,
ýazyjy ýa žurnalistler,
jemgyýetiň güli käte,
iki döwüm çörek üçin,
ýarym litr arak üçin,
ýa börege, gökli, etli
satylmaly dälmiş arzan,
emma gymmat almasa han,
ýa-da gara sanaw düzse,
bilmän näme çäç ýa harpyk,
saýlap alyp iň arzany,
öz ýüzüne çalsa şarpyk,
wejerany goýup başda,
öz-özüni sylan adam,
näme etsin dymman başga?