Türme milleti

Öz-özüne garşy uruşýan millet,
biri-birin alyp nyşana günde,
emel ýeten emelsizi basgylap,
basgançagy pesi edip şermende,
ýaralaýan millet, öldürýän millet,
ýesir alyp, tüpeň atman, top atman,
ýeňen güni için güldürýän millet,
a soňundan gürrüň edýän ýarysy
agyr hassa diýip, zyndanda iliň,
çykyp gelse, daşyndaky has beter,
söz tapmaz halyny diýmäge diliň,
söz tapsaň aýtmaga edersiň heder.