Seniň sergiň

Eger ogry bolsaň, ogry bor çagaň,
eger dogry bolsaň, dogry bor çagaň,
kadadan çykmalar bolsa-da käte,
gybat etseň, gybatçy bor nesiliň,
ýa ýalançy bolsaň, bolar ýalançy,
sen il-günden gizleseň-de kimdigiň,
gizlemersiň gözlerinden çaganyň,
görünmeýän ýeriň görerler olar,
eşiderler hatda diýmedik sözüň,
niýetiňi, päliň tutmasaň ýagşa,
eliň, diliň bilen ýapmarsyň ýüzüň
garalygyn ýa-da bermedik bergiň,
sen gidersiň, belki, sapalak atyp,
çagaň galar yzda, aýakly sergiň.