Seniň yşgyň

Seniň goşgyň seniňki däl,
seniňki däl seniň özüň,
özüňki däl sözleriň-de,
badyhowa, basyk howy,
öwrenseň-de dünýä gelip,
ýa gelmäkäň diňläp gowy,
kim hem näme diýýär haçan,
ýa-da neden alla diýýär
hem kowalan, hemem gaçan,
seniňki däl ýaýdanjaňlyk,
aýgytlylyk seniňki däl,
ýa bitarap öz-özüňe,
seniňki däl kararlaryň,
derýa düşen sypal ýaly,
ýa toraňňy, kenar söýen,
düýbi gidip, gaçan haly,
akyp gitseň siňip ile,
seniňki däl seniň yşgyň,
hem amanat, hemem hile.