Ýigrenç sapagy

Düşünmegiň deregine,
deregine okamagyň,
derňemegiň deregine,
aýdylany sorag berip,
olam haýyn, bulam haýyn,
ýigrenmegi öwretseler,
ýaşlygyndan çagalara,
kada edip baş egmegi
başa çykan agalara,
emel ýetip iki günlük,
üçünji gün batsa döwlet,
hakykaty inkär eden,
ýalançylyk dowam etse,
talaňçylyk dowam etse,
halkyň ýary galsa gallaç,
galanlary entäp gitse,
çörek ýa-da börek gözläp,
geň görülmez ölse, ýitse.