Öňki adam

Ol adamdy, gaty gorkdy, üýşendi,
gözenegiň arkasyna düşmekden,
gaçdy öz-özünden gözüni ýumup,
parhy bolman ýele düşen peşmekden,
heläk etdi tüweleýi durmuşyň,
bir bu ýerden, bir o ýerden tow alyp,
gaçdy adam ilen-çalanyn taşlap,
kimi galdy, kimi öldi, belli däl,
kim nirede haýsy gapa gul boldy,
kim nirede gaçyp-tezip kül boldy,
bir seretse, tussag ýaly barysy,
girip-çykan, indi girjek ýarysy,
ne erki bar, ne ygtyýar, delminip,
ýurt daşyna çykan otyr zyndanda,
ol adamdy, ozal gülýärdi käte,
indi diňe sessiz aglaýar daňdan.