Geň galmaly geňlik

Bu nähili beýle boldy diýýärler,
geň galýarlar, geň galmaly, eý, aman.
Biziň üçin täzelik ýok, bilýäris,
o birleri oturmaly ýokarda,
beýlekiler garadonly bolmaly,
urulmaly, ýenjilmeli asyrlap,
günäli diýseler, boýun almaly,
ýyl almaly, eger puluň bolmasa,
soň oturyp, bagtyň çüwse, ölmeseň,
ölmek üçin öýe gaýdyp gelmeli,
hem dymmaly gören görgüleň hakda,
hiç kim seni gynamady, urmady,
aç-hor saklap, gürleşmedi hemleli,
hiç görmediň ölen-ýiten zyndanda,
ýa janyna kast edeni çydaman,
yssy, sowuk, kesel kesip bir ýandan,
geň galýarlar, goşun çekse çar ýana,
ozal öz ilini basgylan handan.