Çykalga

Türküň TW-sine dönende durmuş,
nusga alyp ata çykan ýalandan,
çorbanyň çorbasy, ýuwundy, uruş,
dawa bolsa gözleýäni milletiň,
ne özüne, ne-de özgä wagty bar,
çukur bolsa, bökse içine günde,
ogry tapsa, ogurlatsa ömrüni,
eltip berip, dolap gowja kagyza,
ak gar diýip, adyn tutma aklygyň,
ýa-da ýanyp, garaköýük bolany,
kömür diýip utandyrma, aýak çek,
diliňi çek iň esasy adamdan,
unudyp ýa özüň bilmedik bolup,
kim bolanyň, kimdigiňi şu halat,
ýa-da ertir kim boljagyň, belli däl,
belki sussaň, biraz azalar galat.