Kör umyt

Taryhçy bol, žurnalist bol, ýazyjy,
hiç ýazyjy bolma Gazawat hakda,
etjek bolma Gökdepäniň gürrüňin,
basmaçylar diýip, ýa diýip başga,
öň gyrylan, soň gyrylan, işiň däl,
ýa indiki boljak, goýjak, esasy
et waspyny döwüm çörek berýäniň,
az-da bolsa, aýlyk gerek adama,
hem bolmasyn başga, artyk görýäniň,
galam somlap maşynyna döwletiň,
çykma ýola, gižželän dek öküzi,
garaş, belki, duşar birine betiň.