Ogurlanan durmuş

Çäresiziň çäresiniň bezegi,
ne çagasyn, ne özüni aýaýar,
näme geýin diýseň, geýinýär gülüp,
näçede gel diýseň, gelip ylgaşlap,
ne suw sorar, ne-de çörek, aç ölüp,
kowulan dek ozal dünýeden daşlap,
ýa durmuşy oýun bilýär, çyn bilmän,
diý diýeniň diýýär şondan gürrüňsiz,
tans et diýseň, tans edýär ol bökjekläp,
iý diýeniň iýýär duzsuz, tagamsyz,
aşyk oýna diýseň, aşyk oýnaýar,
çilik oýna diýseň, oýnaýar çilik,
diwar bolýar diwar bolmaly diýseň,
getir diýseň gelýär telpegin çilip,
çelpek ýaýýar, çörek ýapýar, doýmaýar,
bezeg bolýar diňe başgalar üçin,
hem öz-özün ýaşamaga goýmaýar.