Ýowar oýny

Ýene ýowar, meýletin däl,
mejbur bolup gelersiň sen,
mejbur bolup gülersiň sen,
eliňe pil alarsyň sen,
hem içiňden solarsyň sen,
ýitirersiň ýene bir gün,
ýene sessiz zeýrenersiň,
a ýokarda karam oýun,
ýaryş gidýär, utujy ýok,
ýene çäre, meýletin däl,
ýene ýalan, ýylgyrmaly,
ýumurmaly gelejegin
çagalaryň, çöküp dyza,
hatarlymyş galmak ýerden,
hatar ýokmuş galsaň yza,
hem bukulsaň her bir çöpe,
ýene ýowar, ylga, millet,
gitme asla başga gepe.