Alynmadyk tejribe

Seniň üçin göreşeniň, öleniň,
ýa gutulyp, ýat illere geleniň,
gezmäge däl hezil edip, elbetde,
dowam etmek üçin işin, göreşin,
kimdigini, nämedigin bilmeseň,
islemeseň hatda eşitmek adyn,
adamçylyk, käte bolýar-a şeýle,
ýa eşitmän galsaň il-günüň dadyn,
bisowat, bigäne, biparh, ýaltanyp,
ýol uzak bor, ýaralaryň açylar,
hem köp bolar entek ýitirjek ganyň.